Beanies成員丨黃健怡推出第二首個人單曲《初初出世學》　MV用動畫呈現：有更大想像空間

娛樂

撰文： TOPick柴犬出動

發布時間： 2024/05/28 19:05

熱門歐國盃攻略香港小姐2024 藥物百科名校專區超市大搜查家族榮耀之繼承者高才通到校服務會員有獎 Executive Mommy

▲ eanies成員Winky推出第二首個人單曲《初初出世學》。

唱作女子組合Beanies成員之一的黃健怡（Winky），三月推出首支個人單曲《喵喵厭世學》，成為今年首位出歌的女新人。

日前，Winky推出了第二首個人單曲《初初出世學》，承接《喵喵厭世學》在電台熱播的氣勢。Winky與過往一樣，親自作曲，請來了Oscar Lee填詞，黃兆銘編曲及陳考威監製，Winky說：「我最初無諗過個編曲可以咁豐富，大家可以留意一下。」

第一首歌，Winky與填詞人Oscar以厭世貓的視覺看世界，今次，Winky再與Oscar攜手，用了同一個場景，但另一個角色，衍生了《初初出世學》。

Beanies成員丨Winky推出個人首支單曲《喵喵厭世學》　黃健怡從貓視覺看世界

▲ 黃健怡推出了第二首個人單曲《初初出世學》。

MV以動畫呈現

Winky說：「寫嘅係主人，好可惜個主人正在面臨生命完結前嘅階段，但當刻佢嘅痛苦已經變為唔重要，最重要嘅係佢已經搵到佢最深愛嘅嘢，呢樣嘢可以係一個人、一件事又或者係一個經歷，而呢個主人最深愛嘅就係佢隻貓。對佢嚟講，搵到深愛嘅一隻貓，就等於重拾初初出世時嗰份無瑕、純潔。」當人能將死亡看透，能夠抱住本來無一物的思想去面對死亡，會發覺初來世界那份純真，是如此的純粹。

新歌《初初出世學》的MV，在既是填詞人又是creative director 的Oscar提議下，找來Issac負責動畫片製作，加上Sammy負責文字設計，出來的效果令Winky非常滿意，她說亦有難忘部份，稱：「用動畫去呈現，可以令聽眾有更大的想像空間，因為動畫可以跳出現實的框框，動畫中有一幕我很記得，係有個女仔瞓咗喺度，慢慢zoom out原來佢係瞓咗喺隻好似黑膠嘅黃色碟上面，再zoom out原來係一隻貓眼，我覺得好唯美，又可以畀大家好大嘅幻想空間！」

Winky希望大家能夠透過《初初出世學》，可以感受到歌曲帶給大家的情緒，搵到大家深愛的人或事，重拾初初出世時的感覺。

▲ 黃健怡新歌《初初出世學》MV。